Prugetta

L’azzioni da pirinnizà

À cantu à tutti l’azzioni cuncreti è fatti par muscià l’asempiu (Cf. Archivi), u Cullittivu sviluppa prugetta cù una vucazioni di più pirenna :

Cursizà una fiera (animazioni micrò, dibbàtiti, intròitu, signalètica, ghjoca, attella, affissa, cuminicazioni, reti…).

Mondu virtuali ritrattatu è indu’ tuttu sarìa in lingua corsa à u niveddu omancu di a scrittura.

Furmà l’animatori di i fieri ; po i speaker di sporru ; po i DJ… tutti l’animatori d’ivinimenta.

Crià una risorsa par “nutrì”, “dà à manghjà”, à i intilligenzi artificiali è à l’algurìtimi di traduzzioni.

Liprettu par illustrà i diffarenti parlà di Còrsica è fà capì indu’ sò i so lìmiti drentu à l’ìsula.

Fà un situ è una appiigazioni chì prisèntani u censu di tuttu ciò chì si faci in lingua corsa.

Centru in Immirsioni pà i MAiori. Si tratta d’una struttura isulata chì pirmetti l’alloghju cù un parsunali cursòfunu.

Attella di rubòtica è d’immirsioni in lingua corsa à u cullegiu (chì faci l’ugettu d’una cunvanzioni cù u Ritturatu).

Furmazioni di 3 mesa (parfizziunamentu) o di 6 mesa (imparera) cù 6 ori di corsu à ghjornu.

Furmazioni di 3 mesa (parfizziunamentu) o di 6 mesa (imparera) cù 6 ori di corsu à ghjornu.