Si tratta di FURMÀ à l’usu di a lingua corsa… l’ANIMATORI (chjamati à sprimesi à un microfonu) di e fiere è altre manifestazione culturale, spurtive o cummerciale.
Hè un prugettu in cor’ di realisazione è speremu ch’ellu serà cuncretizatu per a rientrata di u 2021… Serà ditagliatu strada facendu.
Hè un travagliu iniziatu cù a Federazione di e Fiere Rurale Artisgianale è Agricule di Corsica (a FFRAAC) chì ci hà cunduttu à fà dui esempii di fiere tutalmente cursizate in u 2016 in Aregnu (Fiera di l’amandula) è in u 2018 in Filitosa (Fiera di u turisimu campagnolu).
Travaglu chì ci hà purtatu à realizà ancu una cartula per a cursisazione di e fiere cù 14 punti da tuccà. Tutti sò impurtenti mà hè sicura chì ci pare primurdiale di pudè fà risunà a lingua corsa nant’à u campu di fiera, quandu l’animatore spassighjeghja d’un bancu à l’altru è ch’ellu parla cù u so microfonu.
Hè a più bella manera d’arradicà una fiera è i produtti sposti, in un territoriu, criendu à tempu una ambienza favurevule à l’usu di a lingua corsa è dimustrendu tandu ch’ella hè bella viva !
Cuntinutu pedagogicu
Insegnante, lochi è ore d’insegnamente