PARLEMU CORSU!
“Vulemu ch’ella campi a lingua corsa”
Pianu prupostu à l’eletti u 20/05/25.
Ripiglia e pruposte sposte è difese da u cullettivu dapoi a so creazione (2007) è sò messe in cuerenza cù misure nove, fruttu d’una riflessione è d’una sperienza di terrenu. L’ugettivu hè di sbuccà nantu à una reale pulitica linguistica cù cunsequenze visibule in a sucetà.
U cullettivu parlemu corsu
CHÌ VULEMU ?
Vulemu cuntribuisce à l’elaburazione prugressiva, in Corsica, d’una sucetà bislingua (Corsu/Francese).
QUAL’ HÈ CHÌ CUMPONE U CULLETTIVU ?
Hè una adunita di persone è ancu d’associ chì si ricunnoscenu in a dimarchja di u Cullettivu.
Oramai sò più di 800 i membri di “PARLEMU CORSU !” : 618 persone, 115 associ è 112 gruppi culturali o artisti.
Hè una adunita di persone è ancu d’associ chì si ricunnoscenu in a dimarchja di u Cullettivu.
Oramai sò più di 800 i membri di “PARLEMU CORSU !” : 618 persone, 115 associ è 112 gruppi culturali o artisti.
Comu agisce ?
- Fà nant’à u terrenu (Vede l’Archive è I nostri prugetti).
Circhemu à mustrà l’esempiu è à inghjennà iniziativi in tutta a sucetà isulana.
- Dumandà i mezi ghjurìdichi, umani è finanziarii per pudè appiegà u nostru pianu per a lingua (Vede I nostri 16 pruposte rializate dapoi u 2007 è sempre d’attualità).
Circhemu à purtà una rivendicazione di modu uriginale, festiva è culurita senza esità à fà in furia colpa di forza pè surprende è interpillà la ghjente.
- Travagliemu cù i ripresintenti di l’altri lingue minuritarie pè arricchisce a nostra dimarchja è acquistà di più pesu è ancu una dimensione internaziunale
(Vede a pagina “Lingue minurate è u “Prutucollu pè a garanzìa di i diritti linguìstichi”).
