Aiò currimu pà a noscia lingua !
Hè una corsa à prò di a lingua corsa, fatta par accodda solda cù l’ugittivu di finanzà prugetta maiori à favori di l’usu di u corsu.
- Ùn si corri micca par vincia ; hè una corsa cù un tistimoniu à trasmetta.
- Ùn si corri micca par vincia ; hè una corsa cù chilòmitri à cumprà.
- Hè una corsa chì si voli fistiva, chì voli impignà u più pussìbuli d’aienti è chjamata à crescia d’un annu à l’altru !
- Tutti i chilòmitri una parsona diffarenti devi trasmetta u tistimoniu !
- Tutti i chilòmitri dèvini essa compri da una antità diffarenti !
L'idizioni
5sima idizioni
2026
4sima idizioni
2024
3za idizioni
2023
2da idizioni
2022
1ma idizioni
2021
Dipoi u 2021 una parti d’i solda accolti ci ani pirmissu di purtà un aiutu finanziariu :
- à d’altri associa :
- Fiuramossa : associu di duppiamu di i filma in lingua corsa.
- Scola Corsa : scoli assuciativi in immirsioni.
- a Radiò web di Basta à Parlà : associu aiaccinu chì prumovi l’usu d’u corsu.
- Morra Murrina : filmettu cù a lingua corsa à l’unori.
- I scontri in caffè di Cathy Campana : associu bastiacciu par fà discorra in corsu.
- à i prugetta di "Parlemu Corsu !" :
- Furmànima : furmazioni in lingua corsa pà l’animatori micrò di i fieri è altri ivinimenta.
- Rubutiscola : attella in lingua corsa di rubòtica in mezu scularu.
- Chì si faci ? : struttura infurmatica par allistinà "tuttu" ciò chì si faci pà a lingua corsa.
- à a creazioni di i logò per i nosci prugetta.
- à u mantinimentu infurmàticu d’u nosciu situ internet parlemucorsu.corsica.
… ùn irrumpimu micca a catena !
