08/07/19 : « Parlemu Corsu ! » audiziunatu da u « CESEC » à nantu à a situazioni di a lingua corsa :
Hè stata una uccasioni par « Parlemu Corsu ! » di ramintà chì tuttu era sempri pussìbuli pà a lingua corsa : o sparì o spannassi in a sucità ; una uccasioni di ramintà i nosci rivindicazioni è frà altru a nicissità d’unu statutu di cuuffcialità par sustena i numarosi iniziativi presi da a pupulazioni è aiutà a lingua à uccupà tutti i duminia di a sucità indu’ hè poca prisenti o ùn asisti micca par avà (u mondu icunòmicu, a ghjustiza, l’amministrazioni…) ; insistendu à nantu à u fattu chì a lingua corsa pudìa custituì un cimentu fidiratori di tutti i cumunità prisenti in l’ìsula.
