08/09/24 : publicità pà a Currilingua 2024 (4a idizioni)
a Clg 24
A corsa à prò di a lingua corsa par accodda solda à favori di prugetta maiori pà a lingua corsa.
PARLEMU CORSU!
“Vulemu ch’edda campi a lingua corsa”
U cullittivu parlemu corsu
CHÌ VULEMU ?
Vulemu cuntribuì à l’ilaburazioni prugrissiva, in Còrsica, d’una sucità bislingua (Corsu/Francesu).
QUAL’ HÈ CHÌ CUMPONI U CULLITTIVU ?
Hè una adunita di parsoni è ancu d’associa chì si ricunnòscini in a dimarchja di u Cullittivu.
Oramai sò più di 800 i membra di “PARLEMU CORSU !” : 618 parsoni, 115 associa è 112 gruppa culturali o artisti.
Comu agiscia ?
- Fà à nantu à u tarrenu (Veda l’Archivi è I nosci prugetta).
Circhemu à muscià l’asempiu è à inghjinnà iniziativi in tutta a sucità isulana.
- Dumandà i meza ghjurìdichi, umani è finanziarii par pudè appiigà u nosciu pianu pà a lingua (Veda I nosci 16 pruposti rializati dipoi u 2007 è sempri d’attualità).
Circhemu à purtà una rivindicazioni di modu uriginali, fistiva è culurita senza isità à fà in furia colpa di forza par susprenda è intarpillà l’aienti.
- Travaddemu cù i riprisintanti di l’altri lingui minuritarii par arrichì a noscia dimarchja è acquistà di più pesu è ancu una diminsioni intirnaziunali
(Veda a pàcina “Lingui minurati è u “Prutucollu pà a garanzìa di i dritti linguìstichi”).
Videò è Podcasts
Archivi
u 27/07/24 è u 03/08/24 : u prugettu FIERALINGUA pian pianinu sio metti in anda.
Travaddemu à a furmazioni in corsu di Christine Renucci, animatrici à nantu à i campa di i fieri. TAMANTU IMPEGNU…
20/07/24 : prisenza di “Parlemu Corsu !” à a 1a Cunsulta di i lingui corsa è galluresa.
Hè stata missa in òpara da a CdC cù una vulintà di rinfurzà i lei linguìstichi trà cumunità. Ùn hè…