PARLEMU CORSU!

“Vulemu ch’edda campi a lingua corsa”

Attualità : A Currilingua

A corsa à prò di a lingua corsa pè accoglie soldi à favore di prugettoni per a lingua corsa.

Vulemu cuntribuì à l’ilaburazioni prugrissiva, in Còrsica, d’una sucità bislingua (Corsu/Francesu).

Hè una adunita di parsoni è ancu d’associa chì si ricunnòscini in a dimarchja di u Cullittivu.

Oramai sò più di 800 i membra di “PARLEMU CORSU !” : 618 parsoni, 115 associa è 112 gruppa culturali o artisti.

Fà à nantu à u tarrenu (Veda l’Archivi è I nosci prugetta).
Circhemu à muscià l’asempiu è à inghjinnà iniziativi in tutta a sucità isulana.

Dumandà i meza ghjurìdichi, umani è finanziarii par pudè appiigà u nosciu pianu pà a lingua (Veda I nosci 16 pruposti rializati dipoi u 2007 è sempri d’attualità).
Circhemu à purtà una rivindicazioni di modu uriginali, fistiva è culurita senza isità à fà in furia colpa di forza par susprenda è intarpillà l’aienti.

Travaddemu cù i riprisintanti di l’altri lingui minuritarii par arrichì a noscia dimarchja è acquistà di più pesu è ancu una diminsioni intirnaziunali
(Veda a pàcina “Lingui minurati è u “Prutucollu pà a garanzìa di i dritti linguìstichi”).